Симона Халеп Porsche сари юришини бошлади

Сайёрамизнинг учинчи рақамли теннис маликаси, руминиялик Симона Халеп иккинчи даврада рейтингнинг 20-поғонасидан жой олган чехиялик Маркета Вондроушовага қарши кортга чиқди. Эллик олти дақиқа давом этган баҳсда Халеп рақибасидан ортиқча қийинчиликсиз устун келди - 6/1, 6/3.

Симона учрашув давомида 3 та, Маркета эса 1 та эйс зарбасини ижро этди. Халеп ўзаро учрашувлардаги ҳисобни қисқартиришга муваффақ бўлди - 1:2. Энди у чорак финалда швейцариялик Белинда Бенчичдан устун келган россиялик Екатерина Александровага қарши баҳс олиб боради.