27 май 09:39
Янгиликлар

Теннис

Симона Халеп учун "Ролан Гаррос" якунланди

Дунёнинг 19-ракеткаси Симона Халеп "Катта Дубулға" туркумига кирувчи "Ролан Гаррос" турнирининг иккинчи даврасида мағлубият аламини тотиб кўрди.

Руминиялик теннис маликаси WTA рейтингида 74-поғонасидан жой олиб турган хитойлик Чжен Цзинвенга кутилмаганда деярли кураш ва қаршиликсиз имкониятни бой бериб қўйди - 6/2, 2/6, 1/6.

Тўрт дақиқаси кам икки соат давом этган баҳсда Симона 1 та, Чжен 3 та эйс зарбасини ижро этган. Цзинвеннинг кейинги рақибаси франциялик Ализе Корне бўлади. У ўз ўрнида латвиялик Елена Остапенкони мусобақадан чиқариб юборди.