Синдаров: "Болалигимизда Праггнанандҳа билан кўп ўйнаганмиз ва деярли ҳар доим у ютарди"

Ўйиндан кейин у партиянинг ҳал қилувчи лаҳзалари ҳақида фикр билдирди.

"Ўйин бошиданоқ ишончли ўйнашни хоҳлагандим. Лекин Прагг мени позицион жиҳатдан сиқа бошлади. Шунда таваккал қилишга мажбур бўлдим ва бу ишлади.

Аввалига қурбонликдан кейин хавотир бўлди — гўё сипоҳ етишмаётгандек эди. Лекин кейин кўрдимки, филим кучли, иккита пиёдам бор ва рақибимнинг шоҳи хавфсиз эмас. Шундан кейин позиция менга ёқа бошлади. Праггнанадҳа жуда кучли ўйинчи. Болалигимизда кўп ўйнаганмиз ва деярли ҳар доим у ютарди. Бу сафар эса ўйин кескин кечди ва менга омад кулиб боқди. Бу партияда вақт ҳам жуда муҳим роль ўйнади. Мураккаб позицияда аниқ юриш топиш учун вақт ҳал қилувчи омил. Менимча, у ортиқча вақт сарфлади", дейди Синдаров.

Ҳамюртимиз бугун америкалик Фабиано Каруана билан баҳс олиб боради.