Собиқ жаҳон чемпиони Режис Прогрейс қайтди

Оқшом доирасида биринчи яримўрта вазн тоифасида собиқ жаҳон чемпиони америкалик Режис Прогрейс (30-3, 24 КО) яна бир собиқ чемпион Жозеф Диас (33-8-1, 15 КО)га қарши рингга кўтарилди. 

Ўн раунд тўлиқ давом этган жанг ғолиби ҳакамларнинг қарорига кўра аниқланди. Прогрейс узоқ масофада яхшироқ ҳаракат қилди, Диас эса яқин масофада аниқ ва кўпроқ кучли зарбалар бера олди - 173 га қарши 137 (Прогрейснинг умумий устунлиги 224-197).

Ўн раунд якунига кўра, барча ҳакамлар 98-92, 96-94 ва 96-94 ҳисобида ғалабани Прогрейсга беришди. Бу Прогрейснинг проф рингдаги 30-ғалабаси бўлди. Ҳисобида 3 та мағлубият ҳам бор. Рақибларини 24 та жангда муддатидан аввал мағлуб этган. Диас эса бугун 8-мағлубиятини қабул қилиб олди.