23 июл 11:29
Янгиликлар
Бокс/ММА
Собиқ мутлақ жаҳон чемпиони кўриш қобилиятини йўқотиш хавфи сабаб фаолиятини якунлади
Профессионал боксда собиқ мутлақ жаҳон чемпиони Жош Тейлор (19-3, 13 КО) соғлиғи туфайли энди рингга чиқмаслигини маълум қилди.
"Кўзим билан доимий муаммо бор эди, афсуски, бу мени истеъфога чиқишга мажбур қилди, акс ҳолда кўриш қобилиятимни йўқотиш хавфи бор. Ичимдаги жангчи доимо боксни давом эттиришга интилади, мен шифокорларни тинглаб, ўзимни ўзимдан қутқаришим кераклигини тушундим", деб ёзган Тейлор.
Шотландиялик боксчи 2021-22 йилларда супер енгил вазн тоифасидаги барча чемпионлик унвонларига эгалик қилган. 34 ёшли Жош фаолиятидаги сўнгги учта жангда — Теофимо Лопес, Жек Кеттеролл ва Эков Эссуманга мағлуб бўлганди.
Ҳавола :
Манба : x.com/JoshTaylorBoxer
Фикрлар