31 окт 14:44
Янгиликлар

Бокс/ММА

Собиқ UFC чемпиони жиддий ЙТҲга учради + ФОТО

Энг енгил вазн тоифасида собиқ UFC чемпиони Дэйвесон Фигередо ўзи яшаб келаётган Бразилиянинг Белем шаҳрида жиддий автофалокатга учради.

Ижтимоий тармоқларда Фигередонинг ўзи маълум қилишича, у асосий кўчада кетаётганда, чорраҳада ҳайдовчиси кимдандир қочиб, тезликни ошириб кетаётган бошқа автомобиль унинг биқинига урилган. Натижада собиқ чемпионнинг машинаси бир неча марта ағдарилган, бироқ унинг ўзи жабрланмаган.

"Мен машинада ёлғиз эдим. Менда зирҳли автомобиль бор, Худога шукур, менга ҳеч нарса бўлгани йўқ", - деди Фигередо.

Эслатиб ўтамиз, Дэйвесон Фигередо ўзининг сўнгги жангини 11 октябрь куни Рио-де-Жанейрода бўлиб ўтган UFC турнирида ўтказган ва ҳакамлар қарорига кўра Монтел Жексонни мағлуб этган эди. Бунгача у кетма-кет иккита жангда мағлуб бўлган: Кори Сендхаген ва Питер Янга.