09 фев 08:21
Янгиликлар

Теннис

Sofia Open. Истомин драматик кечган баҳсда Троицкига ютқазди

Шу кунларда Болгариянинг София шаҳрида теннис бўйича Sofia Open турнири бўлиб ўтмоқда.

Соврин жамғармаси 501 345 еврони ташкил қилувчи мусобақада иштирок этаётган ҳамюртимиз Денис Истомин иккинчи учрашувини ўтказди. Унинг рақиби Виктор Троицки бўлди. Сербиялик теннисчи турнирда олтинчи рақам остида ҳаракат қиляпти.

Икки соату 10 дақиқа давом этган учрашувда Троицки 7:6(4), 1:6, 7:6(5) ҳисобида ғалаба қозониб, чорак финалга йўл олди. Сербиялик бу теннисчи дунё рейтингида 67, Истомин эса 74-ўринни эгаллаб турибди.