Спорт курашлари. Исломжон Баҳромов Жаҳон чемпионатининг бронза медали ва Париж Олимпиадаси йўлланмаси соҳибига айланди

Қувонарлиси, бугунги кун доирасида -60 кг вазн тоифасида терма жамоамиз аъзоси Исломжон Баҳромов бронза медали ва Париж-2024 ёзги Олимпиада ўйинлари лицензиясини қўлга киритди. У ўтиш босқичида дастлаб, грузиялик Придон Абуладзени, бронза медали учун кечган баҳсда эса эронлик Меҳди Моҳсеннажедни мағлубиятга учратди.

Шундай қилиб, Исломжон Баҳромов ушбу чемпионат орқали Олимпиада лицензиясини қўлга киритган учинчи курашчи бўлди. Бунгача Жавраил Шапиев ва кеча ўтказилган баҳсларда Арам Варданян Париж-2024 йўлланмасига эга чиқган эди.

Юнон-рум курашчиларимизнинг бугунги натижалари билан танишинг:

63 кг, нимчорак финал босқичи. Шермуҳаммад Шарибжонов 0:7 Стефан Рожер Клемент (Франция) 

67 кг, 1/16 финал босқичи. Аброр Отабоев 3:6 Моҳаммедреза Абдулҳамид (Эрон)

87 кг вазнда Жалгас Бердимуратов чорак финал босқичида туркиялик Али Ченгизга мағлуб бўлди. Рақиби финалга йўл олгани учун Жалгас эртага ўтиш босқичида гиламга чиқади.

Ўтиш босқичи:

60 кг: Исломжон Баҳромов бронза медали ва Париж-2024 ёзги Олимпиадаси йўлланмасини қўлга киритди

72 кг: Жамол Жумабоев 3:12 Али Арсалан (Сербия)

97 кг: Рустам Ассакалов 3:5 Петер Ольер (Германия).