Стивен Сигал Ўзбекистонга ташрифи ва "Asian Fight"га бора олмагани ҳақида гапирди

"Қадрли дўстларим.

Ўзбекистон пойтахти Тошкент шаҳрига ташрифимдан тассууротларим билан ўртоқлашмоқчиман.

Бой тарихга эга мамлакатга қисқагина ташрифим давомида мен маданият ва санъат институти талабалари билан учрашдим. Шунингдек, анъанавий фестивалга ва "Ўзбегим" китобининг тақдимотига бордим. Ўша ерда мен мамлакатнинг анъаналари билан танишишга муваффақ бўлдим.

Шунингдек, у нима учун "Asian Fight" турнирига ташриф буюрмаганлигини ҳам маълум қилиб ўтди: "Мен у ерга боришга ва иштирок этишга тайёр эдим. Аммо, минг афсуслар билан шуни маълум қиламанки, менга боғлиқ бўлмаган сабаблар туфайли "Asian Fight-2017" турнирида иштирок эта олмадим.

Ишончим комилки, келажакда яна Ўзбекистонга қайтаман ва мухлисларим билан учраша оламан. Бу ажойиб мамлакат билан янада яқин танишаман", - дея хабар қолдирган актёр Инстаграмдаги саҳифасида.

Норасмий хабарларга кўра, унинг ёрдамчиси бунга йўл қўймаган. Чунки ўша турнир ўтаётган вақтда у бир инсоннинг уйида мехмондорчиликда бўлган.