25 сен 10:50
Янгиликлар
Дзюдо
Суҳроб Турсунов – Загреб Гран-приси совриндори!
Хорватиянинг Загреб шаҳрида дзюдо бўйича Гран-при туркумига кирувчи турнир давом этмоқда.
Мусобақанинг иккинчи куни терма жамоамиз аъзоси Суҳроб Турсунов учун омадли келди. 73 кг вазн тоифасида татамига чиққан ҳамюртимиз нуфузли мусобақанинг бронза медалига сазовор бўлди.
Суҳроб аввалига сербиялик Любица Ковачевич, кейин черногориялик Никола Гусични мағлубиятга учратди. Чорак финалда швециялик полвонга ютқазиб қўйган Турсунов ўтиш баҳсларида иштирок этди.
Дастлаб америкалик Александр Турнерни таслим этган дзюдочимиз кейин бронза медали учун кечган учрашувда косоволик Акил Гжаковадан устун келди. Бу терма жамоамизнинг Загреб Гран-присидаги илк медали бўлди.
Ҳавола :
Манба : olamsport.com
Фикрлар