16 июл 08:11
Янгиликлар

Теннис

Султонов асосий тўрга чиқди, Дўстовга WC берилди

Қозоғистоннинг Астана шаҳрида теннис бўйича “Челленжер” туркумига кирувчи турнирнинг саралаш баҳслари якунланди.

Соврин жамғармаси 125 000 АҚШ долларини ташкил қилувчи ушбу мусобақада икки ҳамюртимиз - Ҳумоюн Султонов ва Фаррух Дўстов ҳам иштирок этяпти. Турнир ташкилотчилари Дўстовга асосий тўрда қатнашиш ҳуқуқини берувчи имтиёзли йўлланма тақдим этишди.

Султонов эса ўз имкониятини саралаш баҳсларида синаб кўрди. Ҳумоюн аввалига россиялик тажрибали теннисчи Михаил Елгинни 6:2, 6:4 ҳисобида енгди. Кейин эса саралашнинг учинчи ракеткаси ҳиндистонлик Аржун Кадхедан 6:1, 3:6, 6:2 ҳисобида устун келиб, асосий тўрга йўл олди. Теннисчимиз 5 рейтинг очкосини ҳам қўлга киритди.