Султонов ва Файзиев асосий тўрга чиқа олишмади

Соврин жамғармаси 50 000 АҚШ долларини ташкил қилувчи ушбу мусобақада уч нафар ҳамюртимиз ҳам иштирок этаётганди. Улардан Жўрабек Каримов саралашнинг илк даврасидаёқ норегиялик Виктор Дурасовичга 6:7, 5:7 ҳисобида ютқазганди. 

Истеъдодли теннисчимиз Ҳумоюн Султонов ҳиндистонлик Кунал Анандни 6/3, 6/0, Санжар Файзиев эса яна бир мезбонлар вакили Рават Сидхартни 6:1, 6:4 ҳисобида таслим этганди. 

Афсуски, Ҳумоюн ҳам, Санжар ҳам асосий тўрга йўлланма ола билишмади. Султонов украиналик Данило Калениченкога 7/5, 6/7(3), 4/6, Файзиев эса италиялик Франческо Вилардога 6/2, 6/7(5), 5/7 ҳисобида имкониятни бой беришди. 

Энди Файзиев бор эътиборини турнирнинг жуфтлик баҳсларидаги иштирокига қаратади. Санжар қозоғистонлик Александр Недовесов билан жуфтлик ҳосил қилган.