10 май 19:52
Янгиликлар
Шахмат
Super Rapid & Blitz Poland 2026. Синдаров турнирни нечанчи ўринда якунлади ва қанча мукофот пули ишлаб олди?
Польша пойтахти Варшава шаҳрида шахмат бўйича мукофот жамғармаси 200 000 АҚШ долларини ташкил этувчи Grand Chess Tour Super Rapid & Blitz 2026 турнири Ҳанс Ниеманнинг ғалабаси билан якунига етди.
Америкалик гроссмейстер рапид ва блиц мусобақасида умумий 36 имкониятдан 22.5 очко жамғариб, Super Rapid & Blitz Poland 2026 чемпионига айланди. Биринчи ўрин унга 50 000 доллар мукофот пули ҳамда 13 GCT келтирди.
Ниеман рапид йўналишини пешқадам сифатида якунлаган бўлса-да, блиц баҳсларида кутилмаган қийинчиликларга дуч келди ва 16-турда амалдаги жаҳон тожи соҳиби Гукеш Доммараджуга имкониятни бой берди. Шунга қарамай, у сўнгги икки турда ғалаба қозониб, чемпионликни қўлга киритди.
Ҳамюртимиз Жавоҳир Синдаров турнирда нисбатан омадсиз иштирок этди. Номзодлар турнири ғолиби 36 имкониятдан 16.5 очко жамғариб, 7-ўрин билан кифояланди. Ушбу натижа орқали Жавоҳир 9 000 АҚШ доллари миқдоридаги мукофот пулига эга чиқди.
Ҳавола :
Манба : uzchess
Фикрлар