Свитолина Римдаги турнирда чемпионлик унвонини ҳимоя қилди+ФОТО

Украиналик теннис маликаси ҳал қилувчи финал учрашувида дунёнинг биринчи ракеткаси руминиялик Симона Халепни мағлубиятга учратди. Бир соату 7 дақиқа давом этган баҳсда Элина кучли рақибасидан 6:0, 6:4 ҳисобида устун келди. Бу билан у чемпионлик унвонини ҳимоя қилди. 

Ушбу муваффақиятли иштирок Свитолинага 507 100 евро мукофот пули ҳамда 900 рейтинг очкосини тақдим этди. Элина мавсумдаги учинчи, фаолиятидаги 12-совринга эга чиқди. Бугунгиси билан қўшиб ҳисоблаганда кетма-кет саккизинчи финалда зафар қучди.