14 авг 08:20
Янгиликлар
Теннис
Свитолина Торонтода жорий йил ҳисобидан 5-совринига эга чиқди
Украиналик теннис маликаси Элина Свитолина Канаданинг Торонто шаҳрида якунланган “Премьер” туркумидаги нуфузли турнир ғолибига айланди.
Дунёнинг бешинчи ракеткаси бўлган Элина ҳал қилувчи финал учрашувида даниялик Каролин Возняцкига қарши кортга чиқди. Бир соату 17 дақиқа давом этган баҳсда Свитолина 6:4, 6:0 ҳисобида зафар қучди.
Торонтодаги бир ҳафталик муваффақиятли иштирок украиналик ракетка устасига 501 минг 975 доллар мукофот пули ҳамда 900 рейтинг очко тақдим этди. Бу унинг жорий мавсумдаги бешинчи, фаолиятидаги тўққизинчи совринига айланди.
Ҳавола :
Фикрлар