26 мар 09:18
Янгиликлар

Теннис

Свитолина учинчи даврада иродали ғалабага эришди

АҚШнинг Майами шаҳрида ўтказилаётган хотин-қиз теннисчилар ўртасидаги турнир ўзининг қизғин палласига кириб боряпти.

Дунёнинг тўртинчи ракеткаси ҳисобланган Элина Свитолина учинчи давра учрашувида иродали ғалабага эришди. Украиналик теннис маликаси австралиялик Дарья Гавриловани 2 соату 6 дақиқа давом этган баҳсда 4:6, 6:0, 6:1 ҳисобида мағлубиятга учратди.

Энди Свитолина нимчорак финал учрашувида яна бир австралиялик теннисчи Эшли Бартига қарши кортга чиқади. 23 ёшли Элина иккинчи даврада ўтган ҳафта Индиан-Уэллс турнирида шов-шувли тарзда чемпионликни қўлга киритган япониялик Наоми Осакадан устун келганди.