31 май 15:52
Янгиликлар

Теннис

Свёнтек "Ролан Гаррос" 1/4 финалида! Унинг ғалабали серияси 32 та учрашувга етди

Сайёрамизнинг биринчи рақамли теннис маликаси Ига Свёнтек "Катта Дубулға" туркумига кирувчи "Ролан Гаррос" турнирининг чорак финал иштирокчисига айланди.

Польшалик теннисчи Франция Очиқ чемпионатининг нимчорак финалида WTA рейтингида 74-ўринни эгаллаб турган хитойлик Чжен Цзинвенни 6/7(5), 6/0, 6/2 ҳисобида мағлуб этди. Икки соата 40 дақиқа давом этган баҳсда Ига 2 та эйс, 7 та брейкни амалга ошириб, битта қўшхатога йўл қўйди. Чжен эса 4 та эйс, 2 та брейк-пойнт ҳамда 5 та қўшхато қайд этди.

Бу теннисчиларнинг ўзаро ўтказган илк учрашуви эди. Энди Свёнтек чорак финалда америкаоик Жессика Пегулага қарши кортга чиқади. Ига Свёнтек қаторасига 32-учрашувида зафар қучганлиги эътиборга молик ҳолат. Бу кўрсаткичи эвазига у Жюстин Энен билан тенглашиб олди. Мағлубиятсиз серия бўйича Винус Уильямс (35) ва Серена Уильямс (34) етакчилик қилишяпти.