Таэквондо. ЖЧга тайёргарликнинг босқичи Хумсонда бўлиб ўтмоқда

5-19 май кунлари ўтадиган мазкур мусобақада терма жамоамиз вакиллари 11 нафар спортчи билан иштирок этади. Ушбу жаҳон чемпионати Токио Олимпиадасига йирик рейтинг очколарини тақдим этиши билан янада аҳамиятли. Шу боис ҳам унда жаҳоннинг энг кучли таэквондо усталари жам бўлади. Терма жамоамиз вакиллари мазкур мусобақага тайёргарликнинг сўнгги босқичини олиб боришмоқда. 

Бугун Хумсон дам олиш масканида тоғдаги сўнгги йиғин якунланади. Шундан сўнг спортчиларимиз Ўзбекистон таэквондо ассоциациясига қарашли «Универсал» спорт мажмуасида охирги машғулотни ўтайдилар ва 13 май куни Манчестер шаҳрига йўл олишади. 

Жаҳон чемпионатида қатнашадиган таркибимиз:

Эркаклар:

-54 кг: Валентин Хегай

-58 кг: Суҳроб Бобобеков

-74 кг: Никита Рафалович

-80 кг: Шуҳрат Салаев

-87 кг: Максим Рафалович

+87 кг: Дмитрий Шокин

Аёллар:

-49 кг: Мадинабону Маннопова

-53 кг: Чарос Қаюмова

-62 кг: Феруза Содиқова

-67 кг: Нигора Турсунқулова

+73 кг: Светлана Осипова