Таэквондо ва спорт фаолияти факультети талабалари Жанубий Кореяга боришади

Жамғарма раиси Санг Вук Ли бошчилигидаги делагация таркибида илмий тадқиқот идораси менежери Ким Хюн-Ву, Канг Сеук Ким, таэквондо таълими тарғибот фонди вакили Жунг Со Лим университет раҳбарияти билан учрашди.

Ўқув ишлари бўйича проректор Давлатбой Жумабоев, Халқаро алоқалар бўйича проректор Расул Раҳмонов, Таэквондо ва спрот фаолияти факулътети декани Владимир Раҳимов ҳамкорлик истиқболлари ҳақида гапирди.

Учрашувдан кўзланган мақсад – янги факултетнинг моддий-техник базасини янада мустаҳкамлаш, таэквондо спорт тури бўйича малакали мутахассисларни тайёрлаш бўйича зарур имкониятлар яратиш ҳамда факулътет талабаларининг Жанубий Кореяга 1 ойлик ўқув курсига бориб келишини таъминлашга қаратилгани билан аҳамиятлидир.

Учрашув давомида жамғарма раиси Санг Вук Лига “Ўзбекистон Миллий университети фахрий доктори” унвони берилди.

Тадбир сўнгида икки томонлама ҳамкорлик меморандуми имзоланди.