16 окт 12:02
Янгиликлар

Таэквондо

Такэвондочиларимиз АҚШдаги "President‘s CUP" рейтинг мусобақасини 3 та медаль билан якунлашди

Теглар : Таэквондо

Америка Қўшма Штатларининг Лас-Вегас шаҳрида G-2 туркумига курувчи "President’s CUP" халқаро рейтинг мусобақаси якунланди.

Аввалроқ, йигитлар ўртасидаги баҳсларда Жасурбек Жайсунов (-68 кг) барча рақибларини мағлубиятга учратиб, олтин медални қўлга киритганлиги ҳақида хабар бергандик.

Қувонарлиси, турнирда иштирок этган яна икки нафар ҳамюртимиз совриндорлар қаторидан жой олди. Қизлар ўртасидаги беллашувларда -55 кг вазн тоифасида юртимиз шарафини ҳимоя қилган Мадина Мирабзалова мусобақа финалига етиб борди ва кумуш медалга эга чиқди. Осиё ўйинлари совриндори, -49 кг вазн тоифасидаги баҳсларда иштирок этган Мадина Маннопова эса мусобақанинг бронза медалига сазовор бўлди.

Шу тариқа, таэквондочиларимиз Токио 2020 Олимпия ўйинлари лицензияси учун рейтинг очколарини тақдим этадиган мусобақани 1 та олтин, 1 та кумуш ва 1 та бронза медаллари билан якунладилар.