Tashkent Open. Бугун асосий тўр баҳслари бошланади

Соврин жамғармаси 250 000 АҚШ долларини ташкил қилувчи турнирга Республика олимпия захиралари теннис мактаби кортлари мезбонлик қиляпти. Асосий тўр баҳсларида уч нафар теннисчимиз wild card, яъни имтиёзли йўлланма асосида иштирок этади.

Қуръа натижасига кўра, Нигина Абдураимова япониялик Куруми Нарага, Оқгул Омонмуродова украиналик Катерина Козловага, Сабина Шарипова эса швейцариялик Стефани Фогелега қарши кортга чиқади.

Турнирнинг биринчи рақамли теннисчиси сифатида чехиялик Кристина Плишкова ҳаракат қилади. У илк босқичда Хитой Тайпейи вакиласи Хси Су Вей билан тўқнаш келади. Иккинчи рақам остида таснифланган венгриялик Тимеа Бабош эса швециялик Йоханна Ларссон билан ҳисоб-китоб қилади.