26 сен 08:07
Янгиликлар
Теннис
Tashkent Open. Бугун сўнгги вакиламиз кортга чиқади
Пойтахтимизда аёллар ўртасида WTA таркибига кирувчи Tashkent Open мусобақасининг асосий тўр баҳслари давом этмоқда.
Соврин жамғармаси 250 000 АҚШ долларини ташкил қилувчи турнирга Республика олимпия захиралари теннис мактаби кортлари мезбонлик қиляпти. Асосий тўр баҳсларига уч нафар теннисчимиз wild card, яъни имтиёзли йўлланма асосида қўйилганди.
Кеча улардан икки нафари - Оқгул Омонмуродова украиналик Катерина Козловага, Сабина Шарипова эса швейцариялик Стефани Фогелега имкониятни бой бериб, мусобақа билан эрта хайрлашди.
Бугун эса турнирдаги сўнгги вакиламиз ўз имкониятини синовдан ўтказади. Иккинчи ракеткамиз Нигина Абдураимова япониялик Куруми Нарага қарши кортга чиқади. Кеча Абдураимова Оқгул Омонмуродова билан биргаликда жуфтлик баҳсларида мағлубиятга учраган эди.
Ҳавола :
Манба : olamsport.com
Фикрлар