22 сен 13:51
Янгиликлар

Теннис

Tashkent Open. Омонмуродова ҳам илк даврада ютқазди

Хабар берганимиздек, бугун пойтахтимизда теннис бўйича WTA таснифига кирувчи нуфузли турнир старт олди.

Соврин жамғармаси 250 000 АҚШ долларини ташкил қилувчи ушбу мусобақага Республика олимпия захиралари теннис мактаби кортлари мезбонлик қилмоқда. Бугун ва эртага турнирнинг саралаш баҳслари ўтказилади.

Ҳозиргина тажрибали теннисчимиз Оқгул Омонмуродова саралашнинг ярим финалида кортга чиқди. WTA рейтингида 628-ўринни эгаллаб турган вакиламиз 184-поғонадан жой олган Бибиана Схофсга 5:7, 3:6 ҳисобида ютқазиб қўйди. Бироз аввал дунё рейтингида 1236-поғонадан жой олиб турган Ясмина Каримжонова ҳам жаҳоннинг 133-ракеткаси россиялик Анастасия Потаповага 3:6, 1:6 ҳисобида имкониятни бой берганди.

Шу тариқа, асосий тўрда ҳамюртларимиздан Сабина Шарипова (126) ва Нигина Абдураимова (300) юртимиз спорт шарафини ҳимоя қилади.