Tashkent Open. Сенсация! Ирода Тўлаганова фаолиятини қайта тиклади

Соврин жамғармаси 250 000 АҚШ долларини ташкил қилувчи турнирга Республика олимпия захиралари теннис мактаби кортлари мезбонлик қиляпти ва дунёнинг кўзга кўринган ракетка усталари бош соврин учун баҳсларга киришишади.

Эътиборга молик жиҳати шундаки, ушбу турнирда 2000 йили бош мукофотни қўлга киритган ҳамюртимиз Ирода Тўлаганова фаолиятини қайта тиклади ва бу йилги Tashkent Open мусобақасида иштирок этади.

Аллақачон мураббийлик фаолиятини бошлаб юборган теннисимиз фахри жуфтлик мусобақасида ўз имкониятини синаб кўради. У турнирнинг биринчи ракеткаси чехиялик Кристина Плишкова билан жуфтлик ҳосил қилган. Иродага ташкилотчилар имтиёзли йўлланма тақдим этишди.

Тўлаганова ва Плишкованинг илк даврадаги рақибалари - германиялик Никола Геуэр вҳамда голландиялик Ева Ваканно бўлади. Асосий тўр баҳсларида эса Ирода иштирок этмайди.