"Tashkent Select" Қозоғистон ёшлар чемпионати пешқадамига қарши кечган ҳар икки ўйинда мағлуб бўлди

Икки кун давомида "Tashkent Select" клуби Атирау шаҳрининг "Жас Батир" жамоасини қабул қилди. Ҳар икки ўйинда қозоғистонлик ёшлар ғалаба қозониб, пешқадамлигини мустаҳкамлади.

Илк кунги ўйинда 8:4 ҳисоби қайд этилди. Ўйинда Эрик Гайниахметов (дубль), Альберт Дадахўжаев ва Богдан Халевин голларга муаллифлик қилишди.

Кеча ташкил этилган иккинчи баҳс эса 10:4 ҳисобида "Жас Батир" ғалабаси билан тугади. Беллашувда Руслан Султонов, Тимур Тиллахўжаев (дубль) ҳамда Эрик Гайниахметов шайба киритишнинг уддасидан чиқди.

Шундай қилиб, "Tashkent Select" 46 та ўйин якунига кўра, Қозоғистон ёшлар чемпионати турнир жадвалида 18 очко билан 11-ўринни эгаллаб турибди. Биринчи поғонадаги "Жас Батир" ҳисобида эса 74 очко мавжуд.