31 мар 17:16
Янгиликлар

Дзюдо

Тбилиси Гран-Приси. Бобонов ҳам бронза учун татамига чиқади

Грузия пойтахти Тбилиси шаҳрида дзюдо бўйича Гран-При туркумига кирувчи нуфузли турнир бўлиб ўтмоқда.

Соврин жамғармаси 100 000 АҚШ долларини ташкил қилувчи мусобақанинг сўнгги учинчи кунги баҳслари ўзининг ҳал қилувчи палласига кирди. -90 кг вазн тоифасидаги вакилимиз Давлат Бобонов ярим финал беллашувида татамига чиқди.

Иван Фелипе Моралесга қарши кечган учрашувда тажрибали кубалик дзюдочи ғалаба қозонди. Энди Бобонов кечки дастурда мўғулистонлик Алтанбагана Гантулгага қарши баҳс олиб боради. Бу мўғул дзюдочиси иккинчи босқичда яна бир ҳамюртимиз Яҳё Имомовни мағлуб этган эди. Бобоновда Яхё учун реванш олиш имконияти бор.