29 мар 15:17
Янгиликлар

Дзюдо

Тбилиси Гран-Приси. Лутфуллаев қозоғистонлик номдор рақибни мағлуб этди

Бугун Грузия пойтахти Тбилиси шаҳрида дзюдо бўйича Гран-При туркумига кирувчи нуфузли турнир старт олди.

Соврин жамғармаси 100 000 АҚШ долларини ташкил қилувчи мусобақада курраи заминимизнинг 4 қитъаси 54 давлатидан 412 иштирокчи (228 эркак, 184 аёл) татамига чиқмоқда.

Улар қаторида Ўзбекистон терма жамоасининг 6 нафар дзюдочиси ҳам Тбилиси Гран-Приси медаллари ҳамда Токио-2020 Олимпиадасининг муҳим рейтинг очколари учун баҳс олиб бормоқда.

Ўзбекистонлик дзюдочиларнинг иштирокини -60 кг вазндаги вакилимиз Шарофиддин Лутфуллаев бошлаб берди. Иккинчи даврадан баҳсларга қўшилган юртдошимиз қозоғистонлик номдор рақиби Рустам Ибраевни мағлубиятга учратишнинг уддасидан чиқди. Бироздан сўнг у ярим финал йўлланмаси учун франциялик Валид Хяр билан ҳисоб-китоб қилади.