Тбилисида Грузия ва Ўзбекистон дзюдо терма жамоаларининг қўшма йиғини ўтказилмоқда ФОТО

Мазкур йиғинда асосий таркиб билан бирга мамлакат ёшлар терма жамоаси аъзолари Акром Бўронов ва Музаффар Тўрабоевлар ҳам иштирок этяпти. Бош жамоага асосий номзодлардан бўлган бу икки дзюдочимиз бу йил ҳисобидан ўтказилган мусобақаларда ижобий натижа қайд эта олишди. 

Ушбу қўшма йиғин дзюдо академиясида Грузия терма жамоаси билан ҳамкорликда ташкил этилмоқда. Машғулотлар кунига икки маҳалдан ўтказиляпти. Тбилиси йиғини 22-24 ноябрь кунлари Япониянинг Осака шаҳрида ўтказиладиган “Катта Дубулға” туркумига кирувчи нуфузли турнирга тайёргарлик вазифасини ўтаб беради. 

Терма жамоамиз 16 ноябрь куни Грузиядан юртимизга қайтиб келади ва режа бўйича 20 ноябрда Осакага жўнаб кетади. Кунчиқар мамлакатда ўтказиладиган турнирда жаҳон чемпионатининг кумуш медали совриндори Шарофиддин Лутфуллаев иштирок этмайди.  

Грузия йиғинига йўл олган делегация таркиби:

Шарофиддин Лутфуллаев

Кемран Нуруллаев

Сардор Нуруллаев

Шаҳрам Аҳадов 

Ҳикматуллоҳ Тўраев 

Шарофиддин Болтабоев

Камолиддин Расулов

Давлат Бобонов

Муҳаммадкарим Ҳуррамов

Бекмурод Олтибоев

Алишер Юсупов

Акром Бўронов

Музаффар Тўрабоев

Мураббийлар

Ўктам Раҳмонов

Камол Муродов

Бекзод Тўрабоев 

Шифокор 

Жавлон Ҳасанов