Тель-Авив "Катта Дубулға" турнирига икки кун қолди

Аниқроғи, 18-20 февраль кунлари Исроилнинг Тель-Авив шаҳрида "Катта Дубулға" туркумига кирувчи турнир бўлиб ўтади. Сўнгги хабарларга таянадиган бўлсак, ушбу нуфузли мусобақада сайёрамизнинг 63 давлатидан жами 429 (252 эркак, 177 аёл) нафар дзюдочи иштирок этади. Эртага Тошкент вақти билан соат 17:00да турнирга қуръа ташлаш маросими бўлиб ўтади. 

Олимпиадагача олтита рейтинг очколари тақдим этувчи турнир қолганини инобатга олсак, мусобақанинг қай даражада муҳим экани ойдинлашади. Ҳар бир вазн тоифаси ғолиблари ўз ҳисобларига қимматли 1000 рейтинг очкосини қўшиб қўйишади. Финалчилар 700, бронза медаль соҳиблари эса 500 рейтинг очкосига эга бўлишади. 

Табиийки, Тель-Авив "Катта Дубулға" турнирида Илиас Илиадис мураббийлигидаги Ўзбекистон терма жамоаси дзюдочлари ҳам иштирок этади.