Теннис бўйича навбатдаги мастер-класс Жиззахда ташкил этилди

Ана шундан тадбирлардан бири бу сафар Жиззах вилоятида ўтказилди.

Жиззах вилоят спорт ўйинлари ва енгил атлетикага ихтисослаштирилган болалар-ўсмирлар спорт мактаби вилоятда фаолият кўрсатувчи қатор спорт федерациялари билан яқиндан ҳамкорликни йўлга қўйган. Бунинг натижасида жиззахлик спортчиларнинг республика чемпионати ва кубок баҳсларидаги натижалари сезиларли даражада ошмоқда.

Жорий йил 16 июл куни мазкур спорт мактаби тарбияланувчилари учун теннис бўйича Ўзбекистон чемпионлари, бир қанча халқаро турнирлар иштирокчиси Аббос Эргашев ҳамда Зарнигор Достоновалар иштирокида маҳорат сабоқлари ташкил қилинди.

Ўтказилган маҳорат сабоқларида дастлаб мураббийлар теннис спорт турининг тарихи ва бугуни хусусида, қолаверса, ўзларининг спортда эришган натижалари тўғрисида ёшларга сўзлаб беришди. Сўнгра спорт билан эндигина шуғуллана бошлаган ёшларга ракетка ва копток билан ишлаш каби  тенниснинг бошланғич элиментларидан кўникмалар бердилар.

Ўйлаймизки, бундай ибратли тадбирлар жиззахлик умидли теннисчиларнинг келгусидаги баҳсларда ўзининг ижобий самарасини кўрсатади.

Ихтисослаштирилган болалар-ўсмирлар спорт мактаби раҳбар ва мураббийлари бошқа спорт федерациялари билан ҳам худди шундай ҳамкорликда маҳорат сабоқларини тез-тез ўтказиб боришни режалаштириб олишди.