17 янв 13:50
Янгиликлар

Бошқалар

Теодосич - Европанинг 2016 йилдаги энг яхши баскетболчиси!

Москванинг ЦСКА клуби ҳимоячиси Милош Теодосич Европанинг 2016 йилдаги энг яхши баскетболчиси деб топилди.

Италиянинг дунёга машҳур La Gazzetta dello Sport нашри томонидан ўтказилган сўровда сербиялик баскетболчи энг кўп овоз тўплади. Ўттиз саккиз йилдирки, айнан шу нашр йилнинг энг яхши баскетболчисини аниқлаб келмоқда.

ЦСКА клубининг яна бир аъзоси, франциялик ҳимоячи Нандо де Коло иккинчи, Испания баскетболининг афсонаси, “Сан Антонио” клуби ҳужумчиси Пау Газоль учинчи ўринни эгаллади.