TePe Sigeman 2026. Абдусатторов 14 ёшли туркиялик пешқадам билан ўйнади

Мусобақада саккиз гроссмейстер бош соврин учун баҳс олиб бормоқда. Улар орасида Нодирбек Абдусатторов ҳамда жаҳон рейтинги етакчиси норвегиялик Магнус Карлсен ҳам бор. Мусобақанинг 6-турида Абдусатторов туркиялик 14 ёшли Ягиз Каан Эрдоғмушга қарши қора доналарда ўйнади ва дурангга рози бўлди. 

Бу билан Нодирбекнинг мағлубиятсиз серияси давом этди, лекин энди пешқадам билан ўртадаги фарқ бир очкога етди. Ҳиндистонлик Аржун Эригаиси мусобақадаги ягона аёл иштирокчи хитойлик Чжу Цзинерни енгди ва 4,5 очко билан якка пешқадамга айланиб олди.

Магнус Карлсен кетма-кет иккинчи турда ҳам зафар қучди. Норвегиялик афсона қора доналарда ўйнаганига қарамай, америкалик аутсайдер Энди Вудворддан устун келди. 

Олтинчи турдан сўнг Аржун Эригаиси карвонбоши, Ягиз Каан Эрдогмуш ва Магнус Карлсен 4 очко билан кучли учликдан жой олган. Нодирбек Абдусатторов 3,5 очко билан 4-ўринни банд этган.