12 фев 16:09
Янгиликлар

Бокс/ММА

Теренс Кроуфорд боксдаги энг севимли учта жангини айтди

Бешта вазн тоифасида собиқ жаҳон чемпиони америкалик Теренс Кроуфорд тарихдаги энг буюк ва томошабоп жанглар учлигини эълон қилди.

"Мен Томми Хирнснинг Марвин Хаглерга қарши жангини, Кастило - Корралес ўртасидаги биринчи жангни, шунингдек, Марко Антонио Баррера ва Эрик Моралес ўртасидаги қарама-қаршиликни айтган бўлардим", - деди Кроуфорд Эдин Росснинг подкастида.

Эслатиб ўтамиз, Теренс Кроуфорд куни кеча The Ring журнали томонидан 2025 йилнинг энг яхши боксчиси деб топилган эди. Сентябрь ойида у ҳакамларнинг якдил қарори билан мексикалик Сауль Альваресни мағлубиятга учратган ва декабрь ойида спортдаги фаолиятини якунлаганини эълон қилганди. Теренс профессионал рингда бирорта ҳам мағлубият ва дуранг қайд этмаган.