17 июн 14:47
Янгиликлар

Бокс/ММА

Теренс Кроуфорд Конор Макгрегорга кескин жавоб қайтарди

Америкалик собиқ мутлақ жаҳон чемпиони Теренс Кроуфорд ва MMA афсонаси ирландиялик Конор Макгрегор Илия Топуриянинг Жастин Гэтжи билан жангидаги шов-шувли мағлубиятидан сўнг ўзаро баҳслашиб қолишди.

"У мени ҳушдан кетказишини ва Шакур Стивенсон билан иккаламизни бир вақтда мағлуб этишини айтганмиди?", - деб ёзди Кроуфорд Оқ уйдаги жангдан сўнг ижтимоий тармоқдаги саҳифасида.

Конор Макгрегор Топурияни ҳимоя қилиб, Кроуфорд аралаш яккакурашларда ҳеч бўлмаганда битта жанг ўтказишга журъат этмаганини таъкидлади.

"Овозингни ўчир ва жангга тайёрлан. Оғзингни кўп очганингда сенга қандай зарба беришган бўлса, унга ҳам шундай зарба беришган. Қафасда жанг қилишим шарт эмас. Бокснинг гашти ҳам шунда - ўзинг мени ёнимга келасан", - деб ёзди Теренс бунга жавобан.

Эслатиб ўтамиз, Илия Топурия Жастин Гэтжи билан жангнинг бешинчи раундига чиқа олмади ва енгил вазн тоифасидаги UFC чемпионлик унвонини қўлдан бой берди.

Конор Макгрегор октагонга шу ёзда қайтмоқчи. 11 июль куни у UFC 329 турнирида Макс Холлоуэйга қарши жанг ўтказади. Теренс Кроуфорд эса ўтган қишда спортдаги фаолиятини якунлаганини эълон қилди.