Терма жамоамиз Анталияга жўнаб кетди

Ўнга яқин давлатдан 120 нафардан зиёд дзюдочи қатнашадиган ушбу халқаро йиғин 14 февралга қадар давом этади. Шундан сўнг терма жамоамиз делегацияси Анталиядан тўғри Исроилнинг Тель-Авив шаҳрига жўнайди. 18-20 февраль кунлари Исроилда "Катта Дубулға" туркумига кирувчи нуфузли турнир бўлиб ўтади. Ҳозиргача мазкур мусобақада қатнашиш истагини 65 давлатнинг 397 нафар дзюдочиси билдирган. 

Ўзбекистон терма жамоаси таркибига назар ташлайдиган бўлсак, кичик ўзгаришлар кўзга ташланади. Жаҳон чемпионатининг кумуш медали совриндори Шарофиддин Лутфуллаев, -73 кг вазндаги етакчи дзюдочимиз Ҳикматуллоҳ Тўраев, энг оғир вазнли вакилимиз Бекмурод Олтибоев Анталия йиғини ҳамда Тель-Авив турнирида иштирок этмайди. Мураббийлар уларнинг ўрнида ёшларга имконият беришяпти. Жароҳатидан фориғ бўлиб қайтган Алишер Юсупов, ёшлардан Шохруҳ Бахтиёров, Жалолиддин Бойназаров таркибни тўлдиришди.     

Анталия йиғинига йўл олган таркиб:

-60 кг: Диёрбек Ўразбоев

-66 кг: Сардор Нуриллаев, Муҳриддин Тиловов 

-73 кг: Жалолиддин Бойназаров 

-81 кг: Шарофиддин Болтабоев

-90 кг: Давлат Бобонов

-100 кг: Муҳаммадкарим Ҳуррамов

+100 кг: Алишер Юсупов, Шохруҳ Бахтиёров

PS: Таркибга кейинроқ Исроил "Катта Дубулға" турнири учун Диёра Келдиёрова ва Гулноза Матниязова қўшилишади