Терма жамоамиз белгиланган рейс билан учиб кета олмади

Афсуски, кеча мамлакатимизда электр энергияси билан боғлиқ юзага келган вазият, шунингдек, Истанбул аэропортининг ички ва ташқи рейслар учун ёпилиши натижасида терма жамоамиз делегацияси белгиланган муддат ҳамда рейсда учиб кета олмади. Истанбулда қалин қор ёққанлиги сабабли халқаро аэропорт номаълум муддатга ёпилган. 

Ўзбекистон дзюдо федерацияси дзюдочиларнинг Португалияга етиб боришини таъминлаш мақсадида барча чора-тадбирларни амалга оширмоқда. Катта эҳтимол билан терма жамоамиз Германиянинг Франкфурт шаҳри орқали Португалия Гран-приси ўтказилувчи Алмада шаҳрига етиб боради.