Терма жамоамиз тоғли Бакурианида ўқув-машғулот йиғинига киришди

Ислом Бирдамлик ўйинлари (Конья), катталар ўртасидаги Осиё (Алмати) ҳамда Жаҳон (Тошкент) чемпионати дзюдочиларимиз иштирок этадиган энг муҳим мусобақалар қаторида эътироф қилиняпти. 

Бундан ташқари, "Катта Дубулға" ва "Мастерс" турнирлари, ёшлар ўртасидаги Осиё (Таиланд) ҳамда Жаҳон (Эквадор) чемпионатлари ҳам терма жамоамиз аъзоларини кутмоқда. Ана шу мусобақаларга муносиб тайёргарлик кўриш мақсадида терма жамоамиз делегацияси Грузиянинг тоғли Бакуриани шаҳрига етиб борди ва машғулотларга киришди. Ушбу ўқув-машғулот йиғини 22 июлга қадар давом этади.

Бакурианига йўл олган таркиб: Сардор ва Кемран Нуриллаев, Мирзоҳид Маҳаммаджонов, Бобур Важиев, Жалолиддин Қурбонмуродов, Муҳриддин Тиловов, Шаҳрам Аҳадов, Муроджон Йўлдошев, Обидхон Номонов, Шарофиддин Болтабоев, Рамазон Аллабердиев, Давлат Бобонов, Шермуҳаммад Жандриев, Музаффарбек Тўрабоев, Отабек Тўрабоев, Бекмурод Олтибоев, Алишер Юсупов, Шоҳруҳ Бахтиёров.