Терма жамоамиз йилнинг илк мусобақасига жўнаб кетди + ФОТО

11-13 январь кунлари Қатар пойтахти Доҳа шаҳрида "Мастерс" сериясига кирувчи йилнинг дастлабки нуфузли мусобақаси бўлиб ўтади. "Мастерс" турнири нуфузи жиҳатидан жаҳон чемпионатидан сўнг туриши боис, ушбу мусобақага бўлган қизиқиш жуда ҳам юқори. Ҳар бир вазн тоифасида дунёнинг энг кучли 32 нафар дзюдочиси медаллар ҳамда рейтинг очколари учун татамига чиқади. 

Бугун тонг саҳарда терма жамоамиз делегацияси Тошкент - Истанбул - Доҳа авиа йўналиши бўйича Қатар пойтахтига жўнаб кетди. Мусобақа олдидан Доҳа шаҳрида қатнашчи давлат терма жамоалари иштирокида халқаро ўқув-машғулот йиғини ўтказилади.    

Делегациямиз таркиби:

-60 кг: Шарофиддин Лутфуллаев, Диёрбек Ўразбоев

-66 кг: Сардор Нуриллаев

-73 кг: Ҳикматуллоҳ Тўраев

-81 кг: Шарофиддин Болтабоев, Камолиддин Расулов

-90 кг: Давлат Бобонов

-100 кг: Муҳаммадкарим Ҳуррамов

+100 кг: Бекмурод Олтибоев

Қизлар: 

-52 кг: Диёра Келдиёрова 

-70 кг: Гулноза Матниязова

Бош мураббий - Илиас Илиадис

Мураббийлар - Бекзод Тўрабоев, Ўктам Раҳмонов 

Шифокорлар - Жавлон Ҳасанов, Фарҳод Шоюнусов

Жамоа менежери - Элдор Қаҳҳоров