11 янв 20:24
Янгиликлар

Дзюдо

Терма жамоамизнинг Австрия йиғини авжида ФОТОГАЛЕРЕЯ

Дзюдо бўйича Ўзбекистон катталар терма жамоаси жорий йил ҳисобидан ўрин олган илк хориж ўқув-машғулот йиғинини ўтказмоқда.

Австриянинг Зальцбург Федерал ерига қарашли Миттерзилль шаҳарчасида жойлашган базада ташкил этилаётган ушбу халқаро ўқув-машғулот йиғинида йигирмадан зиёд давлатнинг мингдан зиёд дзюдочилари иштирок этяпти.

Улар орасида юртимиз дзюдочилари ҳам машғулотларга зўр беришган. Мазкур йиғин барча давлат терма жамоалари учун мавсумнинг илк IJF мусобақаси - Тель-Авив Гран-присига тайёргарлик босқич вазифасини ўтаб беради. Исроилдаги бўлажак турнир ғолиблари 700 рейтинг очкосини қўлга киритадилар. Бу эса тобора қисқа фурсат қолаётган Токио-2020 Олимпиадаси учун қимматли баллардир.