07 июл 12:05
Янгиликлар

Дзюдо

Терма жамоамизнинг уч мамлакатда ўтказган йиғини якунланди ФОТОРЕПОРТАЖ

Дзюдо бўйича Ўзбекистон эркаклар ва аёллар терма жамоасининг Хорватиянинг Пула шаҳрида ўтказган бир ҳафталик халқаро қўшма ўқув-машғулот йиғини якунланди.

Бугун терма жамоамиз делегацияси Истанбул орқали Тошкентга қайтиб келади. Аввалига Илиас Илиадис бош мураббийлигидаги эркаклар терма жамоамиз Туркиянинг Анталия шаҳрида машғулотларини ўтказди. Нелля Киямова мураббийлигидаги аёллар терма жамоамиз эса Словакиядаги халқаро машғулотларда иштирок этди. 1-6 июль кунлари эса ҳар икки терма жамоамиз Хорватиянинг Истрия ярим оролида жойлашган мўъжазгина Пула шаҳарчасида Токио Олимпиадасига тайёргарликни давом эттирди.

Энди режа бўйича терма жамоамизга қисқа таътил берилади ва шундан сўнг делегациямиз Японияга жўнаб кетади. Олимпиадага тайёргарликнинг сўнгги босқичи Кунчиқар юртнинг Майдзуру шаҳрида ўтказилади.