22 дек 18:14
Янгиликлар

Бокс/ММА

The Ring 2020 йилнинг кучли икки боксчисини эълон қилди

Дунёга машҳур The Ring журнали якунига етиб бораётган 2020 йилнинг энг яхши икки боксчиси номини ошкор этди.

Журнал талқинига кўра супеорғир вазнда WBC чемпиони Тайсон Фьюри ҳамда енгил вазнда мутлақ жаҳон чемпиони Теофимо Лопес 2020 йилнинг энг яхши боксчилари сифатида эътироф этилди.

Маълумот учун, 32 ёшли Фьюри 2020 йилда битта жанг ўтказди. Британиялик боксчи февраль ойида америкалик Деонтей Уайлдерни еттинчи раундда техник нокаутга учратиб, рақибининг чемпионлик камарини тортиб олганди. Унинг ҳисобида 31 та жангдан 30 та ғалаба бор. Уайлдер билан биринчи жангда дуранг натижа қайд этилганди. 21 та жангни нокаут билан якунлаган.

23 ёшли Лопес эса 2020 йилнинг октябрь ойида украиналик юлдуз Василий Ломаченкони мағлубиятга учратиб, рақибининг WBA ва WBO камарларига эга чиққанди. Унда шунингек, IBF чемпионлик камари ҳам бор.