03 июн 18:53
Янгиликлар

Дзюдо

Тиловов Тбилисида бронза медали учун татамига чиқади

Грузия пойтахти Тбилиси шаҳрида "Катта Дубулға" туркумига кирувчи нуфузли турнирнинг биринчи кунги баҳслари давом этмоқда.

Бугунги илк кунги дастурдан уч нафар дзюдочимизнинг баҳсларда иштирок этиши белгиланган эди. Улардан Муҳриддин Тиловов кечки финал дастурида бронза медали учун курашиш имкониятини қўлга киритди.

-66 кг вазнли дзюдочимиз илк даврада Нурали Эмомали (Тожикистон) ва Натон Бернс (Ирландия)ни мағлуб этди. Чорак финалда грузиялик Важа Маргелашвилига имкониятни бой берди. Бронза медали йўлидаги ўтиш беллашувида озарбайжонлик Иброҳим Алиевдан устун келди. Энди Муҳриддин бронза медали учун баҳсда япониялик Рёма Танакага қарши татамига чиқади.

Дилшодбек Баратов (-60 кг) ва Бобур Ваджиев (-66 кг) эса рақибларига ютқазиб қўйиб, мусобақадаги иштирокларини якунлашди.