25 мар 10:31
Янгиликлар
Бокс/ММА
Тўлқин Қиличев боксчиларимизнинг Қозоғистондаги йиғини ҳақида гапирди
Бокс бўйича Ўзбекистон терма жамоаси бош мураббийи Тўлқин Қиличев Қозоғистондаги қўшма ўқув-машғулот йиғинлари тўғрисида фикр билдирди.
"Бу йиғинлар — Мўғулистонда бўлиб ўтадиган Осиё чемпионати ва Бразилиядаги Жаҳон кубоги босқичига махсус тайёргарлик ҳисобланади.
Шундан сўнг, биз Ўзбекистонда йиғинлар ўтказамиз. Хитойда бўлиб ўтадиган Жаҳон кубоги босқичи олдидан яна Қозоғистонда йиғиламиз ва икки қардош халқ боксчилари иштирокида яна бир қўшма йиғин ўтказамиз.
Келгусида Жаҳон чемпионатлари ва Олимпиада ўйинлари каби йирик мусобақаларга биргаликда йиғилиб, қўшма тайёргарлик олиб борамиз. Бу юқори натижаларга эришишда муҳим омил ҳисобланади", деди Қиличев.
Ҳавола :
Манба : olamsport.com
Фикрлар