Топ-5'даги яна бир теннисчи "Ролан Гаррос" билан хайрлашди

Жаҳоннинг 5-ракеткаси, эстониялик Анетт Контавейт Франция Очиқ чемпионатининг биринчи даврасида WТА рейтингида 42-ўринни эгаллаб турган австралиялик Айла Томляновичга 6/7, 5/7 ҳисобида ютқазиб қўйиб, илк давраданоқ мусобақа билан хайрлашди.

Учрашув бир соату 53 дақиқа давом этди. Ушбу вақт давомида Анетт еттита эйс, иккита брейк ва битта қўш хато қайд этди. Айла эса иккита эйс, учта брейк амалга ошириб, олтита қўш хатога йўл қўйди. Теннисчилар ўзаро учинчи бор тўқнаш келишди ва австралиялик биринчи марта ғалаба қозонди.

Турнирнинг учинчи даврасига чиқиш учун Томлянович россиялик Варвара Грачевага қарши баҳс олиб боради.