28 янв 17:40
Янгиликлар

Бокс/ММА

Топурия Мадриддаги кошонасини деярли 3 млн еврога сотувга қўйди + ФОТО

Енгил вазнда UFC чемпиони Илия Топурия Мадриддаги Лас-Ломас турар жой мажмуасида жойлашган ҳашаматли уйини 2,9 млн еврога сотувга қўйди, деб хабар бермоқда infobae портали.

Маълумотларга кўра, уйнинг умумий майдони 1000 кв. м. Кошона авангард услубида қурилган. Вилла бир неча қаватда жойлашган бўлиб, кеча-ю кундуз ёлланма қўриқчилар томонидан қўриқланади.

Биринчи қаватда дам олиш ва меҳмонларни қабул қилиш учун мўлжалланган бир нечта алоҳида зоналарга бўлинган катта меҳмонхона ва ошхона жойлашган. Худди шу ерда тўртта катта ётоқхона бўлиб, уларнинг ҳар бирида алоҳида ювиниш хонаси, шунингдек, кенг гардероб ва алоҳида ювиниш хонаси бўлган асосий ётоқхона бор. Уй 6 тагача машина сиғадиган гаражга ҳам эга.

Вилла ташқарисида барбекю зонаси ва жакузи ўрнатилган ҳовузли ободонлаштирилган боғ мавжуд. Бундан ташқари, тўлиқ чўмилиш хонасига эга спа-зона ва тренажёр зали бор.