Тўққиз нафар боксчимиз ярим финалда! Жаҳон чемпионатининг чорак финал жанглари якунланди

Кун давомида 11 нафар боксчимиз ярим финал йўлида рингга кўтарилди:

Кундузги дастурда:

1. -51 кг: Ҳасанбой Дўсматов - Томоя Цубои (Япония), (Ҳакамлар қарори билан)

2. -57 кг: Абдумалик Халoков - Ишиш Юсуф (Иордания), (Ҳакамларнинг якдил қарори билан)

3. -63,5 кг: Руслан Абдуллаев - Лоунес Хамраоуи (Франция), (Ҳакамлар қарори билан)

4. -71 кг: Саиджамшид Жафаров - Игорь Свиридченков (Россия), (Ҳакамларнинг якдил қарори билан)

5. -92 кг Лазизбек Мулложонов - Сезар Ла Круз (Куба), (Ҳакамлар қарори билан).

Кечги дастурда:

6. -54 кг: Ойбек Жўраев - Габриэль Эскобар (Испания), (Ҳакамларнинг якдил қарори билан)

7. -60 кг: Мужибилло Турсунов - Всеволод Шумков (Россия), (Ҳакамлар қарори билан)

8. -67 кг: Асадхўжа Мўйдинхўжаев - Рониэль Иглесиас (Куба), (Ҳакамлар қарори билан)

9. -75 кг: Аълохон Абдуллаев - Филип Акилов (Венгрия), (Ҳакамларнинг якдил қарори билан)

10. -86 кг: Шоҳжаҳон Абдуллаев - Альфонсо Домингез (Озарбайжон), (Ҳакамлар қарори билан)

11. +92 кг: Баҳодир Жалолов - Қамшибек Конкабаев (Қозоғистон), (Ҳакамларнинг якдил қарори билан).

Шундай қилиб, бугунги кун доирасида жанг қилган 11 нафар боксчиларимизнинг 9 нафари ғалаба қозониб ярим финалга йўл олди. Икки нафар боксчимиз эса мағлубиятга учраб, мусобақани чорак финалда якунлади.

МАТНЛИ ТРАНСЛЯЦИЯ




21:58. Кутилганидек, Баҳодир Жалолов деярли қийинчиликсиз Камшибек Конкабаевни 5:0 ҳисобида мағлубиятга учратди ва ярим финал масаласини ҳал қилди.

21:51. Иккинчи раунд ҳам ниҳоясига етди. Бу раундда ҳам ҳисоб 5:0 эканича қолди.

21:48. Раунд якунланди, ҳисоб 5:0, Баҳодир фойдасига.

21:45. Жангнинг биринчи раунди старт олди

21:36. Баҳодир Жалоловнинг жанги старт олмоқда.

21:20. Яна битта жангдан сўнг Баҳодир Жалоловнинг Камшибек Конкабаевга қарши жанги бошланади.




21:00. Гувоҳи бўлганингиздек, Ўзбекистонда навбатдаги йўқотиш! Бу сафар Шоҳжаҳон Абдуллаев озарбайжонлик кучли рақибига мағлуб бўлди.

20:56. Иккинчи раундда эса ҳудди шу ҳисоб рақибга берилди.

20:50. Биринчи раунддан сўнг ҳисоб 4:1, бизнинг фойдамизга.

20:47. Шоҳжаҳон Абдуллаев иштирокидаги жанг бошланди.




20:28. Аълохон Абдуллаев ҳакамларнинг якдил қарори билан венгриялик рақибини мағлуб этиб, ярим финалга йўл олди.

20:22. Иккинчи раунддан сўнг ҳисоб 3:2.

20:19. Биринчи раунддан сўнг ҳисоб 4:1, Аълохон фойдасига.

20:16. Аълохоннинг жанги старт олди.




19:57. АСАДХЎЖААА! Кубалик Иглесиасни мусобақадан чиқариб юборди. 4:3 ҳисобида жангни ўзиники қилиб кетди ҳамюртимиз!

19:51. Иккинчи уч дақиқалик ҳам ўз якунига етди. Бу сафар ҳисоб 3:2 - Асадхўжа фойдасига. Умумий ҳисоб 2:1.

19:46. Раунд якунланди, ҳисоб 4:1, кубалик фойдасига.

19:43. Жангнинг биринчи раунди старт олди.

19:36. Яна бир неча дақиқалардан сўнг Асадхўжа Мўйдинхўжаев рингга кўтарилади.




19:24. Афсус.барча гувоҳи бўлгандек, Мужибилло муносиб жанг кўрсатган ҳолда ҳакамларнинг баҳсли қарори сабаб мусобақани тарк этди.

19:18. Даҳшатли раунд ва Мужибилло рақибини нокдаунга туширди! "Мужи"нинг жаҳлини чиқаришди:) Бу сафар ҳисоб 5:0 ҳамюртимиз фойдасига.

19:14. Илк раунд якунланди. Ҳисоб 4:1, россиялик боксчи фойдасига.

19:08. Навбат Мужибиллога!




19:06. Ойбек Жўраев испаниялик рақибини 5:0 ҳисобида мағлубиятга учратиб, ярим финалга йўл олди. У ярим финалда россиялик Дмитрий Двали билан тўқнаш келади.

19:01. Жангнинг иккинчи раунди ҳам тугади, бу сафар ҳакамлар Ойбекка 4:1 ҳисобидаги устунликни беришди. Умумий ҳисоб 4:0.

18:56, Илк раунд якунланди, ҳисоб 5:0, Ойбек фойдасига.

18:54. Ойбек Жўраевнинг жанги старт олди.

18:38. Шунингдек, Ойбекдан сўнг Мужибилло Б рингида жанг қилади.

18:30. Кечги дастур жангларига ҳам старт берилди. Яна битта жангдан сўнг Ойбек Жўраевнинг испаниялик рақибига қарши жанги старт олади.

17:00. кундузги дастур жанглари ўзбек боксчилари учун якунланди. Бир соатлик танаффус!




16:53. АЖООООООЙИБ! Лазизбек Мулложонов беш карра жаҳон, икки карра олимпиада чемпиони бўлмиш кубалик Хулио Сезар Ла Крузни 4:1 ҳисобида мағлуб этиб, ярим финалга йўл олди.

16:47. Иккинчи раундда 3:2. Умумий ҳисоб 3:1, Лазизбек томонга.

16:43. Биринчи раунддан сўнг ҳисоб 4:1, Лазизбек фойдасига.

16:40. Мулложоновнинг жанги бошланди.

16:32. Яна битта жангдан сўнг Лазизбек Мулложоновнинг жанги старт олади.





15:55. Саиджамшид россиялик Игорь Свиридченковни 5:0 ҳисобида таслим этиб, ярим финалга йўл олган тўртинчи ўзбек боксчисига айланди.

15:51. Иккинчи раундда ҳам 5:0 ҳисобида сақланиб қолди.

15:46. Раунд тугади, кичик устунлик Саиджамшид Жафаровда бўлди. Ҳакамлар ҳисоби эса 5:0, Саиджамшид фойдасига.

15:43. Илк раунд старт олди.

15:39. Саиджамшид Жафаров иштирокидаги жанг бошланмоқда! Ажойиб кун:)




15:38. Руслан Абдуллаев франциялик рақибини 4:1 ҳисобида енгиб, ярим финал масаласини ҳал қилди!

15:33. Иккинчи раунд ҳам тугади, бу сафар ҳакамлар 5:0 ҳисобини беришди, умумий ҳисоб эса 3:0 кўринишига келди.

15:28. Илк раунд якунланди, устунлик нисбатан Русланда бўлди. Ҳисоб 3:2 Абдуллаев фойдасига.

15:23. Руслан Абдуллаевнинг жанги бошланмоқда.

15:05. Яна битта жангдан сўнг Руслан Абдуллаевнинг франциялик боксчига қарши жанги старт олади.




14:50. Абдумалик Халоков иорданиялик Юссеф Иашашни 5:0 ҳисобида мағлуб этди ва ярим финал босқичига йўл олди!

14:44. Жангнинг тенг ярми ортда қолди, иккинчи раунд учун ҳам ҳисоб 5:0 кўринишида бўлди.

14:40. Илк раунд ўз якунига етди. Абдумалик бу раундда кичик устунликка эга бўлди, ҳисоб 5:0, биз томонга.

14:36. Абдумалик Халоков рингга чиқиб келмоқда.

14:20. Навбат Абдумалик Халоковга, яна битта жангдан сўнг у рингга чиқади.




14:15. Учинчи раунд жуда ҳавотирли ўтди, ҳатто 3:2 ҳисобида япониялик боксчи бу раундни ўзиники қилди. Якуний ҳисоб эса 4:3 ҳисобида Ҳасанбой фойдасига бўлди. Ҳасанбой Дўсматов ЖЧнинг ярим финалига йўл олди.

14:10. Жангнинг иккинчи раунди ҳам якунланди, бу сафар ҳисоб 3:2. Умумий ҳисоб эса 3:1, Ҳасанбой фойдасига.

14:06. Биринчи раунд якунланди, раунд Ҳасанбой устунлигида ўтди, буни ҳисоб ҳам айтиб турибди - 4:1.

14:02. Ҳасанбой Дўсматов Томоя Цубоига қарши жанг учун рингга чиқиб келмоқда.

13:44. Яна чамаси 15 дақиқадан сўнг Ҳасанбой Дўсматов бугунги кунни ўз жанги билан бошлаб беради.

13:42. Ассалому алайкум, қадрли бокс мухлислари! Тошкентда давом этаётган жаҳон чемпионатининг чорак финал баҳслари ўтказилиш арафасида. Бугунги кун доирасида 11 нафар боксчимиз рингга кўтарилади.