14 дек 09:15
Янгиликлар
Бошқалар
Тўрабек Исмоилов - самбо бўйича жаҳон чемпиони!
Кипрнинг Лимасол шаҳрида самбо кураши бўйича ўсмирлар ўртасидаги жаҳон чемпионати бошланди.
Қувонарлиси, мусобақанинг илк куниёқ терма жамоамиз учун омадли келди. 72 кг вазн тоифасида гиламга чиққан ҳамюртимиз Тўрабек Исмоилов барча рақибларини енгиб, жаҳон чемпионига айланди.
Тўрабек ҳал қилувчи финал баҳсида россиялик Андрей Веселовни мағлубиятга учратиб, олтин медални қўлга киритди. Самбонинг ватани Россия эканлигини инобатга олсак, ғалабанинг қиймати ва баҳоси яққол кўзга ташланади.
Ушбу вазн тоифасида бронза медаллари грузиялик Отар Созиашвили ҳамда беларуслик Дзианис Баркавецга насиб этди.
Лимасол, Кипр. Жаҳон чемпионати
Эркаклар. 72 кг
1. Тўрабек Исмоилов (Ўзбекистон)
2. Андрей Веселов (Россия)
3. Отар Созиашвили (Грузия)
3. Дзианис Баркавец (Беларусь)
Ҳавола :
Манба : olamsport.com
Фикрлар