13 авг 10:25
Янгиликлар

Теннис

Торонто (WTA). Возняцки мусобақа кашфиётини тўхтатди

Канаданинг Торонто шаҳрида ўтказилаётган “Премьер” туркумидаги нуфузли теннис турнири ўзининг ҳал қилувчи босқичига чиқди.

Мусобақанинг ярим финал босқичида даниялик Каролин Возняцки турнир кашфиётига айланган америкалик Слоан Стивенсни 6:2, 6:3 ҳисобида мағлуб этди. Дунёнинг олтинчи ракеткаси 1 соату 23 дақиқа давом этган баҳсда 4 та эйс зарбасини амалга оширди.

Шу тариқа, дунё рейтингида 934-ўринни эгаллаб турган Слоаннинг эртаги якунланди. Энди у эртага эълон қилинадиган рейтингда тахминан 800 поғона юқорилаб, ТОП-150 теннисчилар сафига кириб олади.