16 янв 08:00
Янгиликлар
Теннис
Тўртта учрашувда ғалабага эришган Исмоилов АҚШ турнири асосий тўрига чиқди
АҚШнинг Флорида штати Санрайс шаҳрида теннис бўйича “Фьючерс” туркумига кирувчи турнир бўлиб ўтмоқда.
Соврин жамғармаси 15 000 доллардан иборат ушбу мусобақада ҳамюртимиз Темур Исмоилов ҳам иштирок этяпти. Мамлакатимизнинг тўртинчи ракеткаси ўз иштирокини саралаш баҳсидан бошлади.
Саралаш турнирида иккинчи рақам остида таснифланган Исмоилов кетма-кет 4та учрашувда ғалабага эришиб, асосий тўрга йўлланма олди. У италиялик Жиакомо Пеззолини 6:2, 6:2, аргентиналик Флавио Маттеолини 6:2, 6:2, америкалик Чейс Перес-Бланкони 6:3, 6:3, яна бир АҚШ вакиои Эван Биноэни 6:4, 6:1 ҳисобида енгиб, асосий тўрга чиқди.
Қуръа натижасига кўра, Темур Исмоилов Санрайс турнирининг асосий тўр баҳслари илк даврасида имтиёзли йўлланма асосида иштирок этаётган америкалик Жордан Паркерга қарши кортга чиқади. Теннисчимиз жуфтликлар баҳсида иштирок этмайди.
Ҳавола :
Манба : olamsport.com
Фикрлар