11 окт 07:50
Янгиликлар

Теннис

Тошкент Челленжер. Асосий тўрда биргина Истомин қолди

Пойтахтимиздаги Республика олимпия захиралари теннис мактаби кортларида Тошкент “Челленжер” турнири давом этмоқда.

Соврин жамғармаси 150 000 АҚШ долларини ташкил қилувчи мусобақанинг асосий тўр баҳсларида 5 нафар теннисчимиз иштирокини бошлаган бўлса, улардан биргина Денис Истомин иккинчи даврага йўлланма олди. Қолган ракетка усталаримиз кучли теннисчиларга имкониятни бой беришди.

Истеъдодли ёш теннисчимиз Ҳумоюн Султонов рейтингда ўзидан 300 поғона юқорида турган украиналик Денис Молчановга 2 соату 17 дақиқа давом этган учрашувда 4:6, 7:5, 4:6 ҳисобида ютқазиб қўйди. Ундан аввал Санжар Файзиев, Жўрабек Каримов ва Темур Исмоилов ҳам турнирдаги иштирокларини якунлашган эди.